ശ്രീ വള്ളിയൂർക്കാവ് ഭഗവതി ക്ഷേത്രം
വയനാട് ജില്ലയിൽ മാനന്തവാടിക്കടുത്തു വള്ളിയൂർക്കാവ് ദേശത്താണ് ഈ ക്ഷേത്രം സ്ഥിതി ചെയ്യുന്നത്. ദുർഗ്ഗ സങ്കൽപ്പമാണ് ഇവിടെയുള്ളത് . വനദുർഗ്ഗ , ഭദ്രകാളി , ജല ദുർഗ്ഗ എന്നീ മൂന്ന് രൂപത്തിലാണ് ഇവിടെ ഭക്തർ ദേവിയെ മനസ്സാ പ്രാർത്ഥിക്കുന്നത് . പതിനാല് ദിവസം നീണ്ടുനിൽക്കുന്ന ഉത്സവം വയനാട് ജില്ലയിലെ ഏറ്റവും വലിയ ഉത്സവമാണ്. ദിവസവും രാവിലെ 5.30 മുതൽ 12:30 വരെയും വൈകുന്നേരം 5.30 മുതൽ 8.00 മണിവരെയും നട തുറന്നിരിക്കുന്നതാണ്. പ്രകൃതി ഭംഗി കൊണ്ട് അനുഗ്രഹീതമായ ഒരു പ്രദേശമാണ് ഇവിടം. ജാതി മത ഭേദമെന്യേ ഏവർക്കും പ്രവേശനമുള്ള ചുരുക്കം ചില ക്ഷേത്രങ്ങളിൽ ഒന്നാണ് വള്ളിയൂർക്കാവ് .